|
عاشیق عوض عبادپور اوچون آغیرلاما مراسیمی
اوستاد، جمعه گونو 23/5/88 تاريخينده، آخشام ساعات بئشده، تبريزده
«عاشيق عوض عبادپور»ون آغيرلاما مراسيمينه دعوت اولوندو. همين
مراسيمده يوز اللي نفره ياخين يازيچي، شاعير، عاشيق و ادبيات
هوسكارلاري و تبريز، اورميه، زنگان و اردبيل ايالتلريندن قوناقلار
اشتراك ائديرديلر. تبريزدن اوستاد يحيي شيدا و اورميهدن عاشيق
دهقان آغيرلاما مراسيميني افتتاح ائتديلر. اوچ ساعات دوام ائدن بو
مراسيمده اوستاددا چيخيش ائتديلر و اؤز سؤزلرينده دئديلر:«من عاشيق
عوضين بارماقلاريني اؤپورم و اونا اؤز ائلينه و اولوسونا خيدمت
گؤسترمهده موفقيت آرزو ائديرم.»
اوستاد همين مراسيمده يحيي شيداداندا تجليل ائتديلر و اونو
«ادبيات فداييسي» آدلانديرديلار. بو ييغينجاقدا اسماعيل ثاني،
ميرزه طهماسبپور (شهرك)، بهروز ايماني و . . . صحبت ائتديلر.
|
